olloboi 2016!

Onte o equipo de contos do cole xunto coa directora asisitimos a Gala da entrega de premios Olloboi 2016. "Milo" que tiña 4 nominacións e quedou finalista en dúas categorías, recibiu o galardón Olloboi online 2016. Os profes non podemos estar máis contentos e os nenos/as seguro que tampouco!! Grazas a todos/as os que dunha maneira ou outra contribuistes a facelo posible.

Milo nominado no Olloboi!

Xa fai uns días que sairon as listaxes do Concurso escolar Olloboi e "Milo" ten 4 nominacións: Olloboi Online, Olloboi Dj, Olloboi Cómico e Olloboi Peleón.

 O sábado 28 iremos a Boiro á entrega de premios, pero aínda que non volvamos cun Olloboi, si que viremos con moita ledicia e ilusión por ter acadado por segundo ano consecutivo estar entre finalistas desta categoría.

Aconséllamosvos que entredes e vexades todas estas marabillas. Son dignas de admiración.

https://2016.olloboi.com/finalistas

Grazas a todos os que puxestes un gran de area en todo este traballiño!! Grazas polos vosos votos para o Olloboi Online, grazas por crer en nós e sobre todo grazas por animarnos a seguir traballando nesta línea.

Estos días ocupamos algunha folliña na prensa aquí tedes as reportaxes

Portada do Faro de Vigo, Edición Arousa: http://www.farodevigo.es/portada-arousa/2016/05/14/milo-estrella-videoclip-colegio-coiron/1460616.html

En La Voz de Galicia:http://www.lavozdegalicia.es/noticia/arousa/meano/2016/05/14/palleiro-milo-estrella-video-colegio-dena/0003_201605A14C7999.htm

Agradecemos tamén a difusión nestes concurridos blogs:

Cores de Cambados

Polo Ventanuco

Vivir en Cambados

O Venres pasado Milo foi recibido no centro...como se merecía!!

BRAVO POR MILO!! 

jackie, nova mascota

Jackie é unha pequena tartaruga que agora vive no nosO estanque xunto cos peixes vermellos.

Antes vivía na casa da profe Angélica, unha profe que estivo no cole fai un par de aniños, pero coMO Jackie creceu un montón e na súa casa xa non estaba cómoda...propúxonos que a trouxeramos para o cole....e por suposto nós...ENCANTADOS!!

Aquí os pitiños recibindo a Jackie como se merecía...

un día no patio..

O mércores pasado cando me din a volta na garda de patio atopeime con esto... a maioría do grupo clase xogando xuntos e...como podedes ver...FELICES!

Nese momento ademais de sacar o móbil para captar tan fermoso momento (benditas tecnoloxías nestes casos!) venche á cabeza canto creceron e canto maduraron nestes meses...

Espero que, coma min, disfrutedes desta estampa... :)

FELIZ DOMINGO!

O corpo temos que coidalo!

Logo de rematar o proxecto sobre o corpo humano quedounos claro que para coidalo temos que mantelo en forma e levar unha dieta saudable.

E para poñer en práctica a teoría que aprendemos fixemos unha clase conxunta de braingym (ximnasia cerebral) que dunha forma extraordinaria levou a cabo a profe Eva Blanco. 

Logo merendamos as brochetas de froitas que cada grupo elaborou na súa aula.

Foi unha actividade xenial!

Unha vez máis grazas a vós, familias, pola vosa colaboración!!

Feliz día familias!

Hoxe, 15 de Maio, celébrase o Día Internacional da Familia, esperamos que disfrutarades do día cos peques e que vos gustara o agasallo que con tanta ilusión vos prepararon no cole... (aínda que seguro que a maioría non aguantou o segredo ata hoxe.. :)

Aquí un pequena mostra do concentrados/as que traballaron e do bonito resultado.

unha visita moi especial!

Fai uns meses unha compañeira da clase dos ourizos trouxo un ourizo de verdade!! 

O seu papá o atopou e o colleu para que os peques o puidesen ver.

Logo devolveuno ao seu hábitat natural, por suposto!

Grazas familias por implicaros na vida do cole!

Participamos no Olloboi

Este ano  e como segundo consecutivo participamos no Festival audiovisual escolar Olloboi, no que o ano pasado resultamos gañadores.


Esta vez o protagonista e seguindo o proxecto que levamos a cabo sobre os animais no centro, é Miro, un can de palleiro precioso e con moiiitaaa paciencia!!


Podedes ver o videoclip neste enlace https://2016.olloboi.com/video/show/232
e como non...votalo seguindo estes pasos:
- Clica neste enlace  https://2016.olloboi.com/
-Dalle a pestana que pon VOTA O PREMIO DO PÚBLICO
-Busca o de MILO e cubre os datos que che piden.
-Ao final dalle ao botón azul que pon SUBMIT.






Esperamos que vos guste tanto como a nós!!!